السلام عليكم ورحمة الله وبركاته

ببدي موضوعي بمثال :

العام الشقة بجنوب السره على 300 و400 بالكثير ..

السنة هذي اردى شقه ب600 دينار!!

العام الشقه بعبدالله المبارك ب250 السنة اردى شقه بـ330!!

ايجارات الفلل بالعقيلة على 800 الحين 1300 !!

شصار بالديره؟؟؟؟


لايكون صرنا نفس جنيف الفلل تطل على بحيرات وجبال خضرا!!

والا الشقق تشطيب فندقي ..والفلل جنها قصر باكنغهام!!

شنو اللي قاعد يصير بالديره؟؟؟

أسعار العقارات بالذات تشطح للسما مرآآآآ وحده!!

قبل احلى بيت مايتعدى اجاره 600 دينار وكنا نقول غالي!!

الحين 600 دينار ماتييب حتى شقه بغرفتين!!

يعني يبون الكويتيين يعيشون بشقق العمارات

يعني هذا زمن الطبقات اللي كان يقول عنه سعد الفرج؟

ياليته الموضوع يوقف عند هالحدث

الحين دخلي اي جمعيه على كاكاو وخرابيط ماتطلعين الا بـ 50 دينار!!

لو قلنا مانبي نشتري ماركات بنوفر..روحوا لاردى سوق شعبي بضاعته سوريه ..اردى بجامة على 3 دنانير!! غسلتين وقطيها بالزباله!!!يعني بالشهر يبيلي 5 بجامات وعليكم الحسبه!!

يعني المواطن الكويتي شيسوي بنفسه؟؟؟؟

عقار وطار..واغذية هم فاسده وهم غاليه!! ملابس ام غسلتين وتتقطع واسعارة ولا اسعار ماركات!

يعني الاساسيات بالديره المفروض الدوله تحرص توفرها وتخليها بمنأى عن عبث التجار اللي ايي الديره بنجرجي واخرتها يفتح سلسلة اسواق شعبيه من طلع خيرها من ظهور المواطن الكويتي!!

بسوريا في شبيحة قتل احنا عندنا شبيحة تجار!! يلعبون بمعيشة المواطن ويهددون امن حياته واساسية معيشته على عين وزارة التجاره اللي نشوف لها صمت رهيب على كل مايحدث!!


من وين انييب فلووووووس؟؟؟

معاش الكويتي 800 دينار

يدفعه اجار؟ والا يسدد قرض الزواج والا يشترى ماجله وملابس!!!

انا بعرف الللعب والتسيب باسعار العقارات والاجارات ليش مايحطون له حد!!!

ليش السكوت والتغافل عن اداة من ادوات ابتزاز المواطن ..

والا مكاتب العقارات وعمولاتهم الخياليه اللي يطلب عموله نص الاجار والثاني يبي اجار شهر كامل

يلهفون من المواطن 600 و700 دينار عموووله!!!

نبيها رسالة لنواب مجلس الامة من هالموضوع

يشوفون حل لهالمعضله ...


نبي وزير تجارة قلبه على الكويتيين يحط حد لمهزلة التجار اللي اغلبهم من الوافدين يتحكمون بالشعب الكويتي!!


واترك المايك لكم






توقيع » قفشـه ~
عذرا ياميسووون عذرا يابنت بني أمية يازهرة الشام عذرا فالمسلمووون نائمووون لم يفيقوا من السبات ..تبكين دماء شهدائك وهنا نقيم المهرجانات!!


مدونتي