اليوم الاول


الساعه 3 بعد الظهر. احمد لسه صاحي من النوم عنيه نص مغمضه.. و شعره منكوش..فتح البلكونه و هو بيتمطع و بيتاوب بصوت زي النهيق و يهرش في دماغه.. لقى في البلكونه الي قصاده بنت زي القمر عماله بتبص عليه باستغراب


-صباح الخير يا بت


مردتش عليه خالص بس دورت وشها بقرف لما سمعت بت دي


-انتى مين ؟؟؟ سكنتي هنا امتى ؟؟


بردو مبتردش ....


- ايه الناس دي ؟؟؟. عنك مرديتي تلاقيكي خرسه اصلا



و قفل البلكونه و راح ياخد شاور و هو بيقول في عقل باله بنت زي القمر بس باين عليها مغروره طحن


الساعه 5.00 احمد اخر شياكه نازل من بيتهم حاطط جل بقى و برفان و كده .. لقى البنت بتاعت البلكونه واقفه مع دينا جزيره ...< البت دينا دي عندها اخبار العالم كله > احمد لقاها فرصه عشان يغلس على البنت المغروره حبتين فراح سلم على دينا و هي قامت بالواجب


دينا= هاي يا كينج ازيك تعالى اقدم لك ايمان جارتنا الجديده .. الي سكنت النهارده في بيت ابو فرحه ربنا ياخده .. راجل زفت اخر حاجه ده الاستاذ ابراهيم عزل من عمايله فيه..........


احمد= بس يا دينا انتى رغايه اوى كده ليه ؟ تشرفنا يا ايمان


ايمي= ميرسي يا احمد


احمد بقى حب يعمل فيها انه مش سائل فيهم و لا مهتم فقال


- يلا اسيبكم انا بقى.. معلش اصلي مشغول
شويه ... سلام


اول مراح ايمان و دينا بقى هات يا رغي


ايمي= مش هو ده بردو الواد الي ساكن في البيت الي قصادنا؟؟؟


دينا=ايوه هو ده احمد على فكره عنده بلكونه قصاد بلكونك على طول


ايمي= بس شكله غريب انا شفته من شويه كان شكله قرف اخر حاجه


دينا= قرف ايه يا بنتي ؟ احمد ده ولد عسول و روش و امور اوى كمان بس ساعات بيغلس ههههه


ايمي= عامة هو ولا امور و لا حاجه ..عادي يعني .. يلا انا هروح بيتنا دلوقتي اشوفك بكره بقى في الجامعه


دينا= ماشي.. على فكره احمد معانا في نفس السيكشن


ايمي= كويس اوى ...... قصدي عادي انا مالي بيه

اليوم التاني


الساعه 11.30دينا و ايمان قاعدين في كافيتيريا الجامعه. و طبعا هات يا رغي..



دينا=ها ايه رايك في الجامعه بتاعتنا؟؟



ايمي=مش بطاله.. يعني انا حاسه انى هحبها بسرعه



دينا=يا ستي بكره تعشقيها كمان انا هعرفك على الشله و هتبقي واحده مننا



ايمي =متكلميني على الشله دي شويه



دينا=يا ستني احنا اربعه بس.. انا و قمر على ما تفرج و ....


ايمي=ههههههه قمر على ما ايه ؟؟ههههههه



دينا=على ما تفرج يا بنتي اصلها ملهاش من القمر غير الاسم



ايمي=ههههههه .. و مين كمان ؟؟



دينا=و عندك كمان احمد الكينج.. و ..



ايمي=احمد جارنا ؟؟؟؟؟



دينا=ايوه يا ستي احمد جارنا .. هو ده الكينج بقى و في كمان ..



ايمي=استني .. ليه يعني سميتوه الكينج ؟ ده حتى شكله شحات .. هاها



احمد جي على السيره



احمد=مين ده الي شحات يا بت



ايمي وشها ضرب احمر و سكتت



دينا=هههههه انت يا كينج هههه



احمد=بتضحكي على ايه يا هبله؟ بس.. قلولي بقى دخلتو اول محاضره؟



دينا=يس اوف كورس.. ايه انت فاكرنا زيك ؟



احمد=طيب هاتي الكاشكول عشان اصوره



دينا =منين يا حسره انا مكتبتش ولا حرف.. شوف ايمي هي الي مبطلتش كتابه خالص



احمد باصص لايمي من فوق مناخيره



احمد=هاتي كشكولك طيب اما نشوف



ايمي=ايه يا عم انت مبتعرفش اختراع اسمه بليز



احمد=خلصي بقى انا مش فاضي لدلع البنات ده



ايمي=طيب ايه رايك انى مش هديك حاجه



احمد=اما انتى بنت اومليت صحيح



دينا=اومليت ههههههه



ايمي=متحترم نفسك بقى لو سمحت دي حاجه تخنق اوف



احمد =طيب باحترام اهو .. هاتى الكشكول يا قطه



ايمي=قطه اما تخربشك



دينا =اديهوله يا بنتي بدل مياخده بالقوه



ايمي=و على ايه الطيب احسن خد يا سيدي



احمد فتح الكاشكول و بص فيه شويه و قفله و رماه على الطرابيزه ..



احمد=بزمتك ده خط ؟ ايه ده يخربيت كده



ايمي=الله انت مالك و مال خطي اما انت بني ادم غريب بجد



احمد=ده مش خط اصلا.. تصدقي امى عندها فرخه بتكتب احسن من



دينا=هاهاها هي امك بقى عندها فراخ دلوقتي هههههه



احمد=بطلي ضحك يا هبله .. قوليلي صحيح فين هشام و قمر؟



دينا=هشام مجاش



احمد =و قمر؟



دينا=مجتش



احمد =يبقى اسمها مجمش ..تموتي في الرغي انتى .. ايه العبط ده



دينا=ههههههه



احمد=والله انتى هبله .. بصي انا همشي عشان مستعجل كلميهم و قوليلهم بكره في حفله هنروحها كلنا



دينا=وااااااااااااااااو بحب الحفلات موت
على فكره يا كينج ايمي هتبقى معانا في الشله



احمد=اوك بس خليها تحسن خطها الاول

يا ترى ايمى هتقبل كلام احمد ده ولا هتولع فيه ولا ايييييه؟؟عاوزين تعرفوا اليوم الجاى

اليوم التالت=
========


الساعه 4 العصر دينا و ايمي و هشام و قمر مستنين الكينج من نص ساعه


ايمي=صاحبكم ده غريب اوى و شايف نفسه ازاي يلطعنا كده في الحر ده



دينا=طبعا يا بنتي شايف نفسه مش الكينج



ايمي=كينج على نفسه بقى انا خمس دقايق و همشي



قمر=كينج على الشله كلها و الي مش عاجبه يمشي



هشام=خلاص يا بت منك ليها اهو احمد وصل



ايمي=بجد هو فين ؟



هشام =هناك يا بنتي العربيه السوده



احمد=هاي يا جماعه اخباركم ايه اركبو يلا



و في العربيه



قمر=اتاخرت ليه يا كينج؟ على فكره انت واحشنى



احمد=انتى اوحش يا بت



ايمي=ههههههه



قمر=بتضحكي على ايه



ايمي=مفيش



دينا=قمر كبري دماغك الكينج عمره ماهيفكر فيكي



قمر=اتلهي تموتي في الفضايح



احمد=و ربنا ان مسكتو لكون منزلكم هنا



دينا=خلاص يا برنس حرمت اهو هنكتم



احمد=ايه رايك في الوجه الجديد يا هشام؟



هشام=قمر على حق بقى بنوته زي العسل



ايمي=ميرسي كلك زوق



هشام=ميرسي على ايه يا قمر دي الحقيقه انتى تستاهلي اكتر من كده



ايمي=مش عارفه اقولك ايه



هشام=قولي انك هترقصي معايا في الحفله



ايمي=بس انا مش بعرف ارقص



دينا=ال يعني هو الي بيعرف ده بيتنطط و يتزقطط بس ههههههه



هشام =انا هعلمك متشغليش بالك بالهبله دي



ايمي =اوك اتفقنا



احمد=ايه يا هشام انت هتسبل و لا ايه انتو هتقعدوا تحبو في بعض



هشام =ايه يا كينج انا شامم ريحة حسد



احمد= حسد ؟؟؟؟؟ طيب ايه رايك بقى ان مفيش حفلات هاه



هشام= خلاص يا عم خلاص



ايمي= هو انت دايما كده يا احمد



احمد= كده ازاي بقى انتى كمان ؟



ايمي= انت ليه عصبي كده و لسانك طويل؟؟؟



احمد = انا كده الي مش عاجبه يولع في نفسه بقى



ايمي= انت شايف نفسك اوى يا رب تولع انت بس في يوم حر و يا ريت الميه تكون مقطوعه



دينا=هههههههههه ده غل بقى و حقد حرام عليكي ده الكينج عسول بس يا رب يقطع لسانه هيبقى تحفه



احمد= دينا اسكتي انتى و انتى يا ايمان متعديش حدودك انتى متعرفنيش اصلا



هشام= خف شويه يا كينج دي ايمي بقت مننا خلاص



احمد= ايه يا عم هو انا قلت حاجه



دينا= هو احنا رايحين حفله صح ؟؟

طبعا شكل احمد هيولع فى هشام

عاوزين تعرفوا اللي هيحصل استنونا اليوم الجاى

كلهم= ايوه ليه ؟؟؟



دينا = طيب انكتمو بقى سيبو النهار يعدي على خير



في الحفله=


احمد و قمر و دينا قاعدين ..احمد هيطق عشان هشام اول مدخلو خاد ايمي و بيرقصو



دينا= بص يا كينج هشام و ايمي شكلهم لايقين على بعض اوى



احمد= ارحمي امي من رغيك ممكن



دينا= ايه يا كينج مخنوق من ايه مالك ؟؟؟



قمر= قوم ترقص معايا و الخنقه تروح



دينا= هتروح فين يعني ؟؟؟
احمد= فككم مني انا مش مخنوق اصلا.. بس الميوزك مش حلوه

دينا=هاهاهاهاهاهاو الله انا فاهماك و عارفه مالك

احمد= مليش يا دينا خلاص لمي لسانك بقى

دينا = والله وقعت يالي في بالي

قمر= تقصدي ايه ؟؟؟؟

دينا = هههههه مفيش انا هقوم ارقص

احمد=خديني معاكي...



هشام= خلاص يا ايمي تيجي نقعد؟؟؟

ايمي= زي متحب

احمد ايه يا برنس احنى خنقناك ولا ايه

دينا= اذا حضرت الملائكه هربت الشياطين

هشام= لاء خالص بس ايمي مش عايزه تتاخر اكتر من كده ..انا هوصلها

ايمي= اه كده الوقت اتاخر

و كده هشام و ايمي روحوا مع بعض و بقية الشله رجعت تقعد و تشرب حاجه ساقعه

احمد= انا عندي صداع و زهقت انا همشي

دينا= يا حراام انت اتصدعت يا كينج ههههه

احمد= دينااااا و ربنا نص كلمه تانيه هكون مرتكب فيكي جنااااايه

و كده دينا اتكتمت و قمر طبعا اتصدمت و الحفله اتفرتكت
الساعه 12.00 بالليل احمد لسه داخل اوضته فتح البلكونه فشاف ايمي قاعده في اوضتها على الجهاز ..فقام عمل نفسه بيفتح البلكونه و عمل هيصه تصحي اهل الكهف فبصت له و ابتسمت و رجعت لشاشه تاني فصفر لها و طلعت البلكونه=

احمد= مساء الخير ايمي

ايمي =مساء النور

احمد= ايه لسه منمتيش ؟؟

ايمي= زي ما انت شايف اهه

احمد= انتى قاعده على النت صح ؟

ايمي= ايوه ليه ؟؟

احمد= مفيش... بسال بس..ق ق قوليلي ...معاكي الايميل بتاع دينا؟؟

ايمي=.... لاء لسه مخدتهوش

احمد=تحبي اديهولك

ايمي= اوكي يا ريت

احمد= اوكي ثواااااانى



راح خاد ورقه و كتب عليها ايميله و حط وسطها عصايا و رماها لايمى

احمد= ده ايميلي ضيفيني و انا هديكي ايميلات الشله كلها

ايمي=هههههههه ماشي يا كينج

احمد= بتضحكي على ايه يا هبله؟؟؟؟؟

ايمي= و لا حاجه يا عبيط

احمد= عبيط عبيط ..انجزي بقى و روحي ضيفيني بدل بهدلتنا في البلكونات

ايمي= اوكي....يلا باي مؤقت

احمد= باي يا قطه

ايمي= مياو مياو هههههههههه

ههههههههههههههههه حاوزين نعرف هيحصل ايه ع الياهو

على الميل=



ايمي=هاااااي
كينج=نورتي يا اباجوره
ايمي=ههه نورك
كينج=انتى منين بقى
قصدي كنتي عايشه فين قبل متعزلوا؟
ايمي=لو عايز تعرف التفاصيل كلم جزيره
كينج=هههههه صح ..قوليلي انتى كام سنه طيب؟
ايمي=انا 20 سنه
كينج=العمر الطويل ليكي انا 22
ايمي=العمر كله يا كينج
الكينج=ميرسي على فكره انا اسمي احمد
ايمي=ههه لا يا راجل ههه طب ما انا عارفه
الكينج=ايه رايك نتكلم مايك؟
ايمي=معلش المايك عندي بايز
الكينج=انتى فقر
ايمي=يا سلام هنطول لسانا تاني؟
الكينج=ولا نطوله و لا نعرضه خلاص
ايمي=طب بالراحه ليطق لك عرق ههه
ايمي=بقولك ايه انا هقوم انام اشوفك بكره في الجامعه
الكينج=قومي ..نامت عليكي حيطه
ايمى=ههه يخرب عقلك يلا باي
الكينج=باي يا ختى ..




تاني يوم الساعه ايمي نازله من بيتهم و احمد و دينا مستنينها بالعربيه=



دينا=صباح الخير ايمي احنا مستنينك احمد هيوصلنا معاه.



احمد=اركبي يلا



ايمي ركبت معاهم و قالت صباح الخير



احمد=صباح النور.. ها نمتى كويس امبارح



ايمي=تمام .نمت تحت الحيطه بقى ههه



احمد=ههه



دينا=واات؟حيطة ايه ؟



احمد=لا دي حكايه طويله



ايمي=اه و سريه للغايه



دينا=و رحمة عمو الي عمره ما زارنا لعرف في ايه ..ده انا جزيره



احمد و ايمي=ههه ابقى ورينا هتعرفي ازاي



دينا=احمد متعدي على قمر و هشام



احمد=انتى هبله و لا مش بتشوفي هو انا رايح فين



ايمي=هو هشام ساكن فين صحيح؟



احمد=ابقى اسأليه يا ختى



دينا=مش انتو سبتو الحفله مع بعض امبارح مسالتهوش ليه؟



ايمي=يوه خلاص مش عايزه اعرف



احمد=ولا تعرفي احنا مالنا



دينا=ههه



احمد و ايمي=بتضحكي على ايه



دينا=ولا حاجه هو الضحك بقى جريمه و لا ايه ؟



احمد=لاء مش جريمه بس ابقى اضحكي بعيد


ايمي=هشام هناك اهو



احمد=مالك فرحانه اوى كده ليه؟ ما انا شفته



هشام عدى الشارع و فتح الباب و ركب ورا جمب ايمي



صباح الخير يا جماعه.. صباح النور ايمي



احمد=صباح الخير



دينا=مشفتش قمريا اتش ؟


هشام =قمر مين ما القمر قاعد جمبي اهه



دينا=انا قصدي على ما تفرج يا بني



هشام=اه . مش هتيجي النهارده كلمتني و قالت انها رايحه مشوار



دينا=مشوار ايه ده! مقالتش؟



هشام=لاء



دينا=حاول تفتكر اكيد قالت,طيب رايحه مع مين



هشام=ده انتي خنقه



دينا=مش هينفع كده. لازم اعرف.امال انا دينا جزيره ازاي


احمد=اقلبي ميلودي و ريحينا



ايمي=هيهيهيه



هشام=ايه الضحكه الجميله دي؟



احمد=ده صويت يا عم كازانوفا



ايمي=يصوتو عليك يا بعيد



احمد=و ربنا لكون مربيكي


وصلو الجامعه على خير

اليوم الرابع:

الساعه 23.30 بالليل احمد مرزوع قدام النت مستني ايمي الي واقفه بقالها ساعه في البلكونه بترغي في الموبايل .اتخنق من القعده فطلع هو كمان البلكونه

احمد=انتي يا حجه.... بطلي رغي بقى

ايمي=

احمد= شكلك بتنفضيليخلصي عايزك في موضوع مهم طحن

ايمي سلمت و قالت باي و في امان الله و سلام و تصبح على خير و لا اله الا الله و بردو لسه مقفلتش السكه

احمد= يا رب صبرني ايه البت دي ؟ظ يا بنتي لو كنتي بتعملي تحية العلم كان زمانك خلصتي

ايمي قفلت الخط و قالت

ايه يا بني انت ايه ؟؟؟؟

احمد= انا بردو الي ايه ؟؟؟ ساعه بتقولي سلام ؟؟؟

ايمي= و انت مالك انت ..هو انت الي بتشحن لي ؟؟؟

احمد= هاهاهاليه هو انا عبيط عشان اشحن لك هاهاها

ايمي= يا بارد

احمد= يا رخمه

ايمي= يا سم

احمد= تعالى نكمل ردح لبعض على الياهو

ايمي= اوكي

احمد= انتى مصدقتي هههههههههه

ايمي= بااااااارد

احمد= بارد بارد يلا مستنيكي على الياهو

على الياهو=

كينج= هااااي

ايمي= هاااي

كينج= كنتي بتكلمي مين بقى

على الموبايل

ايمي= اشمعنا؟؟؟؟؟
انت ناوي تشتغل مع جزيره ولا ايه

كينج= ايه الخفه دي ؟؟

ايمي= عادي كنت بكلم ناس صحابي

كينج= يا بختهم

ايمي= على ايه ؟؟

كينج= الظاهر اني مش من صحابك دول

ايمي= ليه بتقول كده ؟؟؟؟؟

كينج= يعني انا مثلا ممعاييش نمرة موبايلك

ايمي=ههههههه بس كده

كينج= اكيد بس انا هطلع اجدع منك و اديكي نمرتي

ايمي= واااو مكنتش عارفه هعيش ازاي من غير جدعنتك دي ههههه

كينج= ايمي ممكن سؤال خاص شويه ؟؟

ايمي= خير؟؟ اتفضل

كينج= هشام ؟؟؟

ايمي= مالو هشام؟؟؟

كينج= يعني... ظروفه ايه ؟؟

ايمي= و الله هو صاحبك فانت هتكون ادرى بظروفه مني

كينج= انتي عارفه قصدي متستعبطيش

ايمي= ههههههههه
لا بجد ماله هشام

كينج= يعني انا شايف ان في استلطاف بينكم... يعني ممكن يكون اعجاب و ممكن مثلا ...يعني ...انكم...ترتبطوا.

ايمي=لالالالالالالالالالالا
هشام عسول و مؤدب بس ارتباط ايه
ده زي اخويا

كينج= كده تماااامووووز

ايمي= انما ليه السؤال ده ؟؟

كينج= ايه بلاش اطمن على صاحبي كنت خايف احسن يرتبط برخمه زيك

ايمي= يا رب تولع

كينج= هههههههههههه

ايمي= انا هقولك تصبح على خير
انا هنام على الكيبورد

كينج= ايه البت النايمه دي ؟؟
غوري اتخمدي

ايمي= غارة اما تاخدك
بااااي بقى

كينج = باااااي

بقووولك ايه قبل متقفلي

ايمي= ايوه

كينج= هتوحشيني

ايمي= بجد؟؟؟؟؟؟؟

كينج= امشي يا بت

باااااااي

و كده احمد اتنازل شويه عن كبريائه و قال اول كلمه حلوه لايمي الي هتبات طول الليل بتفكر فيها ...

بعد المحاضرات هشام خاد ايمي و عزمها على حاجه ساقعه في الكافيتيريا ..و قعدو يتكلمو و يهزرو لحد ما احمد جي اول مشافهم ادايق طبعا

احمد=هاي

ايمي= هاي يا كينج كنت فين كل ده ؟


احمد= كنت بكلم ناس صحابي


هشام=هاي يا كينج


احمد= انتو بتعملو ايه ؟؟؟

هشام= عادي انا و ايمي كنا بنتكلم في موضوع خاص كده


احمد= ياااه انتو لحقتوا يبقى بينكم مواضيع خاصه


ايمي=خاصه ايه و عامه ايه اقعد يا كينج


هشام= اقعد يا عم اقعد


احمد=لا انا مش فاضي لكم انا هروح البيت اغير و انزل مشوار


هشام= اوك سلام يا كينج


ايمي= استنى يا احمد وصلني معاك


احمد= كملو مواضيعكم الخاصه الاول

هشام= لسه بدري يا امونه

احمد= اه لسه بدري يا ختي اقعدي

ايمي= متبقاش رخم بقى ..و بعدين استنى اما دينا تيجي و نروح كلنا مع بعض


احمد= حد قالكم اني سواق اوتوبيس و لا حاجه كده ؟


هشام= ايه يا كينج مالك ؟؟

ايمي= بلا اوتوبيس بلا بتاع انا مروحه سلام


هشام= ايه يا ايمي مالك ؟؟


ايمي= مفيش سلام بقى


و كده ايمي اتقمصت و خادت شنطتها و روحت مشي.. بس احمد مسبهاش طبعا . و حصلها في الشارع بالعربيه




احمد= اركب يا ايمي


ايمي= خد الميكروباص بتاعك و امشي انا مش طايقه نفسي


احمد= متبقيش غلسه بقى ده كان هزار


ايمي= هزار و لا جد مليش دعوه .امشي بقى مش هركب


احمد= بت اركبي عايز اقولك كلام مهم اوى

ايمي=امشي بدل ما ازعق و اقول انك بتعاكسني



احمد= ليه يعني اتعميت انا عشان اعاكسك


ايمي= انا بتكلم بجد



احمد=اركبي يا مجنونه بدل ما انزل اخطفك من الشارع


ايمي= وريني بقى هتخطفني ازاي


احمد= طيب


و فعلا احمد ركن العربيه و نزل و راح ماسك ايمي من دراعها و ساحبها وراه على العرببيه قدام الناس كلها و هو بيقول


- اعقلي بقى و اركبي و لا اقولك بلاش تعقلي زعقي و خليهم ياخدونا على القسم عادي يعني


بس ايمي عقلت و ركبت .


احمد=ايه بقى لازم فيلم اكشن و اعمل لك احمد السقا عشان تركبي


ايمي= ما انت لسانك طويل و بتقول ميكروباص و كده


احمد= انتى زعلتي يا عبيطه ؟؟ انا كنت بهزر و بعدين انا قلت اوتوبيس مش ميكروباص


ايمي= كلها مواصلات بقى


احمد= متغلوشيش بقى قولي اي المواضيع الخاصه الي بينك و بين زفت هشام


ايمي= مفيش مواضيع و لا حاجه كنا بنهزر عادي



احمد= ياااا سلاااام على البرااااءه


ايمي= ايه انت مش مصدقني ؟؟

احمد= بصراحه لاء .....قلبي مش مرتاح



ايمي= ايه دخل قلبك في الموضوع بقى ؟؟؟؟؟



احمد= صحيح هي دينا فين ؟؟



ايمي=افتكرت دينا دلوقتي ؟ يا سيدي هي بتعمل جوله في الجامعه بتلم الاخبار


و كده وصلو و ايمي نزلت من العربيه فسلمت على احمد و قبل متمشي نداها و قالها


على فكره انتى بخيله اخر حاجه


ايمي= ليه بس ؟؟؟؟


احمد= ولا رنه يا جزمه


ايمي= ههههههههههه بس كده انت تؤمر بس



احمد= يلا باي يا قمر و هستناك بالليل على الياهو



احمد مشى و ايمي طلعت السلم و هي بتغني


بحبك و اداااري ليلي و نهاااااري انا و القمر سهرااان


- قالي يا قمر

قالي يا قمر

كده ايمي روحت بيتهم و هي مش مصدقه ان احمد قالها يا قمر .. يا عيني على هشام ملهوش حظ .. ... بس احمد قلبه مش مرتاح و عشان كده قرر يكلم دينا جزيره و يخليها تجيب له قرار هشام .

يوم الجمعه الصبح ايمي صحيت و قعدت تفكر شويه فلقت نفسها مش قادره تستنى لحد بكره عشان تشوف احمد ففكرت شويه و قالت هتصل بيه و اقترح اننا نطلع اي كافيه انا و هو و الشله

و فعلا اتصلت=

تررررررررررررن تررررررررررررررررن ررررررررن

احمد= الو...

ايمي= الو.. حزر فزر انا مين

احمد= ساره ؟؟

ايمي= ساره مين ؟

احمد= ههههه انتى صدقتي يا بنتي انا بهزر انتى اصلا صوتك جوه قلبي عمرى ما انساه

ايمي= يا سلاااام .. طيب انا مين

احمد= منى ..

ايمي= انا غلطانه انى اتصلت اصلا.....عامة انا ايمان

احمد= ايمان مين ؟

ايمي= ياااه ده انت على كده تعرف كذا ايمان ..خلاااص خلاص سلام بقى

بلاش اقولكم ايمي حالتها كانت ازاي لما قفلت ..و احمد بقى اول رزعت السماعه في وشه افتكر ايمان تطلع مين

احمد= يا نهار اسود دي ايمي
اما انا عبيط بشكل .. انا حماااار كان لازم يعني انسحب من لساني
تلاقيها زعلت دلوقتي ..لازم اتصل بيها

ترررررررررن ترررررررررررررررررن ررررررررن

ايمي= نعم عايز ايه يا بتاع منى

احمد= منى ايه بس ؟ منى دي تبقى بنت خالتي

ايمي= ياا رااااجل و لما هي بنت خالتك صوتها بيعمل ايه في قلبك بقى

احمد= انتى صدقتي ..انا كنت بهزر .منى مين في الحر الي احنا فيه ده

ايمي= انا مالي اصلا دي حياتك و انت حر فيها انا دخلي ايه

احمد= شكلنا بنغير و لا ايه ههههههههه

ايمي= انا اغير ؟؟؟ ليه يعني ؟ انت فاكر نفسك مين ؟ تامر حسني ؟

احمد= بزمتك مش انا احلى منه ؟؟

ايمي= صباح الغرور.. ده انت شبه اسماعيل ياسين

احمد= ماشي يا ايمي..... ارغي بقى كنتي بتتصلي ليه ؟

ايمي= عبيطه بقى ..تقول ايه ؟

احمد= لا بجد..

ايمي= مفيش.....كنت يعني...قاعده بفكر...فجاتلي فكره كده....قلت يعني .. ممكن مثلا ... نروح نقعد شويه على اي كافيه...يعني نتصل بالشله و كده

احمد= تعرفي اني كنت بفكر في كده فعلا..نخرج مع بعض . بس عشان اكون صريح انا مفكرتش في الشله خااالص

ايمي=بس خلاص ..بلاش انا هتصل بدينا و ننزل نشتري حجات

احمد= لا لا لا دينا مش فاضيه انا مكلفها بمهمه كده

ايمي= ماشي يا بتاع منى انا هكلم هشان و اكيد هو فاضي

احمد= يادي هشام هو كمان مش فاضي

ايمي= لا حتى لو مش فاضي هيفضي نفسه عشاني ..ولد كله زوق

احمد= يااا جمالك يا صراحتك
..بقولك ايه من الاخر كده مفيش هشام يا بت

ايمي= بت اما تبتك

احمد= بصي كمان ساعه هبقى مستنيكي بالعربيه في اخر الشارع ...اوعى متجيش

ايمي= مش هاجي يا بتاع منى

احمد= يووه انتى هتعلقي على منى دي . هتيجي ولو مجيتيش هاجي اخدك من بيتكم و انتى عارفاني مجنون و اعملها

ايمي= من ناحية مجنون مفيش شك . بس بردو مش هاجي

احمد= هتيجي يا قطه و سلاحف بقى عشان الرصيد بينتحر

ايمي= اوك سلام يا كينج


احمد بقى اول مخلص المكالمه جري على الحمام

حلاقة دقن
تنظيف سنان

و طبعا نص ساعه بيحط جل بقى و كريمات و برفانات لحد مبقى كينج بصحيح

و طبعا ايمي كمان كانت بتغير مية فستان في الدقيقه و بتحط ميك اب و كده و بعد ساعه بالظبط كان الكيمج قاعد في العربيه مستنيها .
احمد راكن العربيه و مستني ايمي و بيبص في المرايه ..شويه ايمي وصلت..

احمد=هااااي ايه كل ده تأخير ؟؟

ايمي= انا متاخرتش ..مش انت قلت بعد ساعه

احمد= طيب مكنتي تيجي قبلها ..و بعدين مش انتي قلتي مش هتيجي جيتي ليه ؟؟؟

ايمي= الحق عليا انا الي مرضيتش الطعك

احمد= ماشي يا حنينه تعالى اركبي و يلا نشوف مكان نقعد فيه

و فعلا راحو قعدو في كافي هادي و رايق و جميل .

احمد= تعرفي يا ايمي مع اننا لسه عارفين بعض قريب الا اني بحس انى اعرفك من زمااان

ايمي= انا كمان نفس الاحساس

احمد= انا جوايا كلام كتير بس مش عارف اقوله ازاي

ايمي قاعده بتلعب في الموبايل

احمد= سيبي الزفت ده و خليكي معايا

ايمي= ايه قلت ايه يا كينج ..؟

احمد= انتى الي كوين يا قمر

ايمي= قلي بقى ساره و منى يطلعو مين ؟؟

احمد= ايه القمر بيتنازل و يسال عن النجوم؟ دول يا ستي صحابي عادي

ايمي= ماشي يا عم عادي

احمد= هو انتى مش ليكي صحاب ولا ايه ؟

ايمي= طبعا ليا بس مش بقول ان صوتهم في قلبي و كده

احمد= ايمي تعالى نتكلم جد شويه ..انا عايز اسألك سؤال احتمال يكون غبي

ايمي= اسأل يا كينج خير ؟

احمد= انتي حبيتي قبل كده ؟؟؟

ايمي= قبل كده لاء

احمد= ايه انتى بتحبي دلوقتي و لا ايه ؟؟؟؟

ايمي= مش عارفه ....احتمال

احمد= مين هو ؟؟؟ قولي مين هو ؟؟ مين ؟؟

ايمي= مش اما اعرف الاول هو بيحبني و لا لاء

احمد= اكيد بيحبك و بيموت فيكي كمان بس قولي هو مين ..قولي ..قولي


ايمي= يا سلام و عرفت منين بقى انه بيحبني

احمد= قولي بس هو مين و انا اقلك عرفت ازاي مين؟؟ مين ؟؟ قولي بقى

ايمي =هشااام ؟؟؟

احمد=ايييييييييه ؟؟؟؟

ايمي= هشام جاي علينا يا ترى بيعمل ايه هنا

احمد= خضيتيني يا شيخه ...ايه الي جابه ده ؟

هشام= هاااي يا جماعه بتعملو ايه هنا ؟

ايمي= هاي انت الي بتعمل ايه هنا ؟؟

احمد= اهلا يا عم انت ايه الي حدفك علينا الساعه دي

هشام= مفيش كنت معدي و شفت عربيتك فقلت اسلم

احمد= كلك زوق يا سيدي.. هاه خلاص سلمت ؟

هشام= ايه يا ايمي محدش بيشوفك ايه ؟

احمد= ما انت لسه شايها امبارح في الجامعه ..هي شغلانه و لا ايه

هشام= اه صح ..بس تعرفي يا ايمي انتى بتوحشيني على طووول

احمد= وحش اما يلهفك

هشام= بقولكم ايه ..تيجو نتصل بالبنات و نروح نتفسح كلنا ؟

ايمي= انا معنديش مانع.. و انت يا كينج؟

احمد= انا هروح بيتنا ..هروح انام..هموت..و هتنيل بنيله

هشام= ايه يا عم...اعصابك

احمد= انا هروح الحمام الدنيا حر اوى

و احمد راح الحمام و فضل هشام مع ايمي لوحدهم


هشام= انا اول ما المسج وصلني جيت جري ههههههههه

ايمي= حرام الي بنعملوه فيه ده ..شفت انه اتنرفز اخر حاجه

هشام= دي فكرتك انا بخدمك بس

ايمي= اه بس صعب علياقولي صحيح انت تعرف ساره او منى ؟؟

هشام بصي الحجات دي اسالي فيها دينا اكيد هتكون عارفه

ايمي= بس.بس احمد جاي

هشام= بس يا ستي و بعد كده ممكن نروح نتمشى في اي حته

احمد= تتمشوا فين منك ليها ؟

هشام= لا ده موضوع تانى بقى

احمد= ايمي انا مروح تيجي اوصلك بدل مدوخي على تاكس؟

ايمي= متقعد احنى اتصلنا بالبنات و زمانهم جايين

هشام= لو مشغول يا كينج عادي انا هوصل ايمي لحد البيت

احمد= لالا لالالالالا توصلها ده ايه ..انا معنديش حاجه اعملها اصلا هقعد معاكم
و كده كده انا عايز دينا في موضوع.


و فعلا دينا و قمر وصلوا بعد شويه و قضوا اليوم كله مع بعض
بس يا ترى ايه حكاية هشام و ايمي ؟؟؟؟

احمد و دينا قاعدين في السيكشن بيتكلمو ..و محدش خالص معبر الدكتور الي عمال بيرغي .

احمد= ها يا دندون عملتي ايه في الموضوع اياه؟؟

دينا= موضوع ايه

احمد= موضوع هشام يا بنتي هاه عملتي ايه ؟

دينا= اااااااااااااااااااه..مفيش حاجه خالص

احمد=مفيش حاجه ازاي

دينا= عادي هشام شكله واقع فيها

احمد=اولع فيكي يعني هو كده يبقى مفيش حاجه ؟؟

دينا= عادي ما انت كنت عارف الحكايه دي يعني مفيش جديد

احمد= ربنا ياخدك يا شيخه..عرفتي ازاي بقى انه متنيل واقع فيها ؟

دينا= مهو قالي انه بيفكر يتقدم لها

احمد= يا صبر ايووووووووب انتى هبله يا بنتي ؟ عندك تخلف عقلي؟؟؟

دينا= ليه هو انا الي هتقدم لها

احمد= ده عبيط هي مستحيل توافق عليه

دينا= متواقفش ليه ده هشام عسول و امور و كمان مستواه المادي كويس ..يعني ده لقطه
احمد= انتى عاااايزه تنقطيني ؟؟؟؟؟

دينا= بص يا كينج انت مفرور و فاكر ان ايمي هتجري وراك زي كل البنات التانيه ..و انا مظنش انها معبراك اصلا

احمد= انا مش مغرور

دينا=انت معرور ..انت بتحبها بس بتكابر صح و لا لاء

احمد= يعني..هي عسوله و عاجباني ....بس....

دينا =بتحبها و لا لاء ؟؟؟

احمد= مش عارف ...

دينا= خلاص طالما مش عارف اطلع منها و سيب هشام يتقدم لها هو على الاقل عارف

احمد=لالالالالالا يتقدم مين ؟؟ و بعدين هي بتحبني

دينا=هي قالت لك انها بتحبك ؟؟؟؟

احمد= لاء بس باين عليها ..متكلميها و اعرفي منها هتوافق على هشام و لا لاء

دينا= طالما باين عليها انت قلقان ليه بقى ؟ و بعدين من الاخر انا مش هدخل تاني في الحكايه دي الا لو عرفت بصريح العباره انت شاغل نفسك بالموضوع ليه

احمد= خلاص بقى متستعبطيش و خليكي جدعه

دينا= نووو وااااي متحاولش

احمد= يخربيت زنك

دينا= انجز بقى ....قوووووول

احمد= بحبهاااااااااااااااا

دينا= طيب متقولهاااااااااااااااااا

احمد=انتي اتجننتي افرضي كبستي ؟.

دينا= و ماله عادي بتحصل في احسن العائلات

احمد= لالالالالا مش الكينج الي واحده تكبسه مش هقولها حاجه

دينا= اوك بلاش تقول خليك في غرورك ده لحد متلاقيها اتخطبت

احمد=المهم انتى اعرفيلي منها بتحب هشام و لا لاء و كده و الرد يكون عندي النهارده

دينا= عنيا يا كينج غالي و الطلب رخيص

و فعلا دينا زارت ايمي بعد الظهر زياره ال ايه بريئه و استلمتها و قعدت تقرر فيها

دينا =ايه يا ايمي الي يشوفك انتى و هشام يحسدكم بقيتو مش بتسيبو بعض خالص

ايمي= هشام جدع ..

دينا= جدع بس ؟؟؟؟؟؟مش عارفه ليه انا شامه ريحة حب في الجو

يمي= يوووووووووووه الموضوع مش هتفهميه انا و هشام صحاب بس و لا بنحب بعض و لا حاجه

دينا= يا سلااااااااااااااااااااام

ايمي= دينا فيكي الي يكتم السر

دينا = ايوه ايوه ايوه انا بعشق الاسررررررررررررراااااااار

ايمي= انا وهشام ...يعني..... مش عارفه اقولك ايه

دينا= انا هقولك بقى .. انتى بتحبي الكينج و عشان هو مغرور و عمره مهيعبرك اتفقتي انتى و هشام تثيرو الغيره في قلبه وعشان كده بتمثلو الدور ده قدامه .. صح و لا انا غلطانه
ايمي=عرفتي ازاي ؟؟ هشام قالك الخااااااااين

دينا= و ربنا هشام مقليش حاجه ..يا بنتي ده انا دينا جزيره يعني اعرف دبة النمله

ايمي= لا ده انتى مش جزيره ده انتى F.B.I

دينا= هههههههه انا لعبت معاكم و قلت للكينج ان هشام هيتقدم لك

ايمي= يا خبر ؟؟ و قال ايه

دينا= قال بحبهاااااااااااااااااا ههههههههه

ايمي= قوليله و هي كماااااااااااااااااااان هههههههههههه

دينا= يوصل يا ختى بس بطريقتي

و كده دينا روحت و ايمي طلعت البلكونه تشم الهوى فلقت احمد قاعد في بلكونته اول مشافها قال

هاااي ازيك يا ايمي؟

ايمي= هاي كينج انا تمام و انت ؟

احمد= خير مروحتيش الجامعه ليه النهارده .؟؟

ايمي= كنت تعبانه شويه

احمد= سلااااااامتك الف سلاااامه
انتى وراكي حاجه دلوقتي ؟؟؟؟

ايمي= لاء خالص

احمد= طيب روحي افتحي الياهو عشان متبرديش

ايمي= اوكي

احمد قرر انه يعترف لايمي بمشاعره مهما كان ردها بس يا ترى هيعرف و لا لاء ؟

احمد و ايمي بعد متكلموا شويه على الياهو و كل واحد منهم حس انه مش قادر يعترف و يتنازل اتفقو انهم يخرجوا مع بعض لوحدهم شويه.

-احمد قاعد مستني ايمي من نص ساعه ( على فكره ايمي متاخرتش هو الي جاي بدري) ..بعد شويه ايمي وصلت =

احمد= هاااي ايمي انا قاعد من الصبح

ايمي= انا جيت قبل المعاد بربع ساعه

احمد= انا قلت نخرج شويه عشان تغيري جو..انا حسيت انك مخنوفه في البيت

ايمي= اه فعلا انا كنت زهقانه

احمد= تعرفي يا ايمي.. الجامعه ملهاش طعم من غيرك

ايمي= بجد ؟؟ انا قلت انك مش هتلاحظ انى غايبه اصلا

احمد= بصي انا ممكن الدكتور نفسه يغيب و مخدش بالي انما انتى لاء

ايمي= ياااه للدرجه دي

احمد= و اكتر كماااااان

ايمي= طيب ليه ؟؟

احمد= لو مكنتيش عارفه تبقى عبيطه.. بس شطلط عارفه و بتستعبطي

ايمي= لالا انا و لا عبيطه و لا بستعبط قول بجد ليه

احمد= عشان ..عشان... انا... انا بكرهك

ايمي= هههههههههههه يا رااااجل هههه

احمد= اه اومال انتى كنتي فاكره ايه ؟

ايمي= طيب بتكرهني قد ايه بقى ؟؟؟؟

احمد= بكرهك مووووت ..قد السما و قد البحر بكرهك

ايمي= يا سلام على الكره العالي هههههههه

احمد= طيب يا ترى الشعور ده متبادل و لا كره من طرف واحد ؟؟؟

ايمي= متبااادل انا بكرهك كره العمى ههههههههه

احمد = هههههههههههه الله احلى كلمة بكرهك سمعتها هههههه

ايمي= طب و بعدين ؟؟

احمد= بعدين ايه ؟؟؟

ايمي= يعني بعد الكره ده ايه ؟؟

احمد= اكيد هنولع في بعض
هههههههههههه
هههههههههههههههههه

احمد= بصي يا ايمي بما اننا اعترفنا لبعض و بما ان الكره هيجمعنا لازم اسالك سؤاا....

ايمي= احنا صحاب بس..مفيش اي حاجه تانيه بينا ..هشام زي اخويا ..متخفش انا مينفعش اكره حد غيرك

احمد= هههههه يا قروبه انتى كاشفاني هههههه
يا ستي يا رب تكرهيني كده على طول

ايمي= ده اكيد .

احمد= بس انتى اكتشفتي انك بتكرهيني امتى ؟

ايمي= من اول مشفتكش مطقتتكش هههههه
كرهتك من اول نظره

احمد= يا بختي هههههههه طيب مقلتيش ليه ؟

ايمي= مكنتش متاكده ان انت كمان بتكرهني . طب انت كرهتني امتى


احمد= من اول نظره بردو ..و مقلتش عشان كنت بقول احتمال يكون عندك عداوه مع حد و لا كده و اتكبس انا ههههههه

ايمي= عمرى ما اكبسك يا كينج

احمد= بصي يا ايمي انا عايز كل الناس تعرف اننا مع بعض

ايمي= و ليه التسييح ده ؟

احمد= الشله لازم تعرف

ايمي= و مين هيقولهم

احمد= انا هقولهم.. و دلوقتي

ايمي= هتقولهم ايه ؟؟؟؟؟

احمد= هعرفهم يعني

ايمي= هتعرفهم ايه ؟؟؟؟؟؟

احمد= هقلوهم اننا تبع بعض

ايمي= تبع بعض ازاي ؟؟؟؟؟

احمد= يوووووه يا ايمي

هقولهم اننا

بنحب بعض
ارتحتي ؟؟؟

ايمي= ههههههههههههههههه

ايوه كده هههههههه

و كده تم الاعتراف بين احمد و ايمي و بقو كابل و هنشوف بعد كده ردود فعل الشله و كمان العلاقه او العداوه على رائ احمد هتوصل لفين بينهم

ايمي و دينا قاعدين في الكافيتيريا لما احمد جيدينا= هاااي يا كينج ..ايه هو عرشك ماله

احمد=هاي ..عرشي بايز . ازيك يا امونتي

ايمي= انا تمام و انت ؟

احمد= تمام طالما شفتك

دينا= الله الله ايه الحب الي نزل عليكم على غفله ده؟؟؟

احمد= بلاش قر يا بنتي ..مش ناقصينك

ايمي= اللهم لا حسد

دينا= و الله انا لو شفت قط واخد فار بالحضن مش هستغرب قد ما انا مستغربه دلوقتي

احمد= ليه يعني ؟؟؟ عمرك مقابلتي اتنين بيحبو بعض ؟؟

دينا = لا يا كينج شفت كتير اوى .. بس من امتى يعني الحب ده ؟؟

احمد= من اول يوم و ربنا

ايمي= اه من اول نظره

دينا= يا عيني ..و طلما هو كده وجعتو دماغي ليه ...؟؟؟

احمد و ايمي= وجعنا دماغك ازااااااي؟؟؟؟

دينا= كل واحد يجي يشكيلي و يقولي اعرف له التاني بيتنيل يحبه و لا لاء

احمد و ايمي= ديناااااااااااا

دينا= خلاص خلاص

احمد= انتى بتستهبلي يا بنتي ؟ هو انا قلت لك حاجه ؟؟

دينا= اه قلت لي يا كينج .حتى بالاماره قلت لي اعرف لك هي بتحب هشام و لا لاء

ايمي= هههههههههههه و ايه كمان يا دندونه قولي

احمد= انتي بتضحكي على ايه انتى كمان ؟؟

دينا= سيبها تضحك مهي ياما قعدت تقولي بحبه و بموت فيه بس لو اعرف هو بيحبني

ايمي= ديناااا انتى اتجننتي هو انا قلت لك حاجه ؟؟

احمد= ههههههههه ايوه كده و ايه كمان يا دندن

ايمي= انت فرحان كده ليه

دينا= اهو هشااام وصل عشان اقوله

هشام= هاااي يا جماعه هاي يا ايمي
ايه يا دندن هتقولي ايه ؟

احمد= على فكره هاي يا جماعه كفايه اوي بلاش هاي يا ايمي دي

هشام= ليه يعني ..؟؟

دينا= اصلهم بيحبو بعض

ايمي= يخربيت صوتك يا بنتي الجامعه كلها عرفت

احمد= طب ميعرفوا .. يا ريت يعرفو عشان محدش يجي يقولك هاي يا ايمي تاني

ايمي= ههههههه

هشام= الف الف مبرووك اخيرا بقى اعترفتو لبعض

احمد= ايوه يا سيدي اعترفنا

هشام= مبروك يا ايمي عقبال اما نفرح بيكم

ايمي= الله يبارك فيك ..ميرسي

احمد= بقولك ايه يا هشام متسيبك من ايمي خالص عشان مستعملش معاك الوسائل التانيه هاه

هشام= ههههههههههههههههههه ماشي يا عم حاضر احنا مش قدك
بس بقول ايه احنا لازم نحتفل بالمناسبه دي

دينا= الله ينور يا هشام ..ايوه نحتفل بيوم الاعتراف

هشام= و الحفله على حساب الكينج طالما هو الوحيد الي عنده عربيه

احمد= ما انتو قريتو عليها ..من شويه كنت بقول لدينا ان عرشي بايز

انا العربيه الي حيلتي باااازت

هشام= بااازت باااااازت باااازت

ايمي = هههههههههههه

دينا = متغلوشوش بقى ... الحفله امتى

احمد= يوم الجمعه بقى على بال مكون جبت عربيتي

هشام و دينا= اوكيشن

ايمي= ماشي بس مش نتاخر

احمد= احنا تحت امرك يا قمر

و كده اتفقوا انهم يحتفلو مع بعض بالمناسبه السعيده بس يا ترى هيحصل ايه في الحفله ؟؟؟

هشام و دينا قاعدين في كافيه مستنيين الكينج و ايمي عشان يروحو الحفله.....
هشام مخنوق و حزين و دينا بتهديه


دينا=مخلاص يا بني كبر دماغك ..مكلنا منا عارفين انها بتحبه


هشام= ايوه كنت عارف..بس كان عندي امل انها تحس بيا شويه و المشكله اني ساعات كنت بحس انها فعلا معجبه بيا


دينا= خلاص يا هشام ..انسى الموضوع ده خالص ....و بعدين انت و الكينج اخوات يعني مينفعش تتعلقوا بنفس البنت


هشام=هو يعني بايدي يا دينا ..اه احمد زي اخويا و الدليل انى باركت له .. بس تعرفي ايه الي مدايقني جامد


دينا= ايه ؟؟؟


هشام= ان ايمي استغلتني عشان تخلي احمد يعترف لها بحبه


دينا=اصحى يا بني ما انت كنت موافق على كده هي اصلا مكدبتش عليك .. يبقى مفيش استغلال من اصله


هشام= عمرك مهتفهميني يا دينا ....خلاص كبري


دينا= يا ريت تنسى الموضوع ده خالص عشان احنا شله و عايزين نفضل صحاب من غير اي حساسيات


هشام= ده اكيد ... الا قوليلي يا بت انتى مش بتحبي و لا ايه حكايتك ؟؟؟


دينا= اشمعنا السؤال ده ؟؟


هشام= اصلي عمري مشفتك مع حد غير الشله و لا عمرك كلمتيني على حد يعني


دينا= اولا مش ضروري تشوفني عشان ابقى بحب و لا لاء
و عامة انا بحب واحد مش سائل فيا


هشام= هههههههههه ايه هو اعمى و لا حاجه ؟ ما انتى زي القمر اهه


دينا = اصله بيحب واحده مش ساءله فيه


هشام= ههههه ايه الفيلم الهندي ده هههههههه


دينا= سيبك من الكلام ده و متفتحش الموضوع ده تاني


هشام= ولا تاني و لا تالت احمد و ايمي وصلوا



احمد و ايمي داخلين ماسكين ايدين بعض و اخر رومانسيه


احمد= هاااي يا جماعه ازيكم ؟


هشام= هاي احنا تمام و انتو


دينا = اتاخرتوا اوى كده ليه ؟؟؟


احمد= مفيش ايمي راحت تعمل شعرها فتاخرت شويه


هشام = و لا يهمك يا كينج


دينا= اخبارك ايه يا بنتي ..محدش بقى بيشوفك يعني


ايمي= انا كويسه بس المذاكره واخده نص وقتي


احمد= و انا واخد النص التاني هههههههههههههههه


هشام= يا بختك ههههههه


دينا= ايه هنقضوها رغي و لا ايه ؟؟؟ هنحتفل فييييييين

ايمي= دي مفاجأة... هنحتفل في مكان تحفه ..
يلا بينا


احمد=يلا يا كوين


هشام= حلوه يا كوين دي


دينا= احنا الرعيه بقى ههههههههه


احمد= لاء انتو السليفز بتوعنا ههههههههههههه


هشام= طيب ممكن مولاي ينكتم و يبطل رغي و ياخدنا نتنيل و نحتفل


دينا= ههههههههههههه يلا يا مولاي


و ركبو العربيه و هما بيباركو لاحمد انها اتصلحت ...و راحو الاهرامات و هناك و سط الصحرا لقو في كتير من زمايلهم في الجامعه و كل حاجه مجهزه عشان الحفله ..
ميوزك و اكل و كل الحجات التانيه


احمد ركن العربيه و نزل و راح فاتح لايمي الباب و هو بيقول =


اتفضلي يا مولاتي


ايمي= ميرسي مولاي


هشام كمان نزل و فتح لدينا و قال =


انجري يا بت انزلي


دينا= طيب متزقش ياد هههههههههه


احمد= انتو بتتريقوا


هشام= العفو يا مولاااااي ...يا رب تديني طولت العمر و اشوفهم بعد تلات سنين جواز ..تلات سنين بس ياااااا رب


دينا= متشفش وحش يا هشام هههههههههههههه
هتشوف ايه يا بني ساعتها هيبقى في شباشب بتتحدف و بلاوي زرقه


ايمي= ده و لا حتى بعد نص قرن جواز ... احنا عمرنا مهنتخانق اصلا
مش كده بيبي


هشام= هي حصلت بيبي هههههههههههه


احمد= اه في مانع و لا حاجه ؟؟؟؟


دينا= سبحان مغير الاحوال ..كنت كينج بقيت بيبي


لا حول و لا قوة الا بالله


ايمي= انتو غيرانين مننا بس


احمد= في ايه ياد منك لها
انتو عايزين تزعلوني و لا ايه


هشام= انا هغير جو و هروح ارقص ولو ان الميوزك مش عجباني


دينا= انتو دايما ظالمين الميوزك على فكره
فاكر يا احمد اول حفله ايمي تروحها معانا لما كانت بترقص مع هشام و انت قلت ان الميوزك مش عاجباك


ايمي= دينا متيجي نشرب حاجه انا عايزاكي في موضوع


هشام= احم احم انا هروح ارقص


احمد= ربنا يولع فيك يالي في بالي و يقطع لسانك الطويل


دينا= هو انا قلت حاجه غلط و لا حاجه


احمد= انتى اصلا مش لازم تتكلمي خالص .. بقولك ايه يا امونتي متيجي نرقص


ايمي= يلا بينا




اول ما ايمي و احمد قاموا يرقصو هشام رجع يرغي مع دينا


هشام= شفتي عامليني فيها عمر و سلمى
كده اووووفر اوى
مولاتي و مولاي و بيبي
فاضل ايه تاني


دينا= بالراحه يا بني احسن الضغط يعلى و تروح فيها


هشام= مش وقت تريقه يا دينا انا عنيا هتطلع انا مش طايق نفسي انا شكلي هقوم اروح بدل متجيلي جلطه
شوفي فرحانين اوى مع بعض ......


دينا= خلاص خلاص كده بكره بالكتير هيتخانقو


هشام= اشمعنا يعني


دينا= ما انت فقعتهم قرايا هتجيبهم الارض


و فعلا يا دوب دينا كملت جملتها ايمي جات متنرفزه و قالت انها عايزه تروح و طبعا قالت لهشام وصلني و شويه احمد جي و قالهم


انا مروح الي عايز يروح يجي اوصله بلا حفله بلا قرف


دينا= ايه في ايه ؟؟؟ مالكم


و طبعا محدش ردعليها


و ايمي كانت عايزه تاخد تاكس بس هتجيبو منين في الصحرا الي هما فيها فجات على نفسها و ركبت العربيه معاهم و روحو كلهم ...
و طبعا دينا متتوصاش فوشوشت لهشام في ودنه


خلاص ارتحت اديك حسدتهم


هشام= ههههههههه



ليه ايمي و احمد اتخانقوا و يا ترى هيرجعو لبعض و لا لاء ؟؟؟

ايمي :احمد
احمد :قلبه و عيونه..
ايمي :بص دينا بتبص على هشام
احمد :ازاي يعني عادي,ماهي طول عمرها بتعمل كده
ايمي :لا في حاجة غريبة,شكلها بتحبه.صح
احمد :و انتي مالك ايه دخلك يكونشي هشام دخل مزاجك..

ايمي :بلاش هزار بايخ انت عارف ان ده مستحيا احنا صحاب وبس
و فجأة تمر بنت صاحبة احمد من زمان
منى :هاي كينج وحشتنا أوي أوي أوي

احمد:انتم كمان يا منى,ايه أخبارك..

منى :ومين الأمورة دي,ايه الحتة الجديدة؟
احمد :دي دي دي ايمي صاحبتي و زميلتي و جارتنا كمان
منى :اها امورة..بس خدي بالك يا ايمي ده الكينج شقي انا الي حفظاه
ايمي :كفاية تاخدي بالك انتي يا كتكوتة
عن اذنكم خد راحتك يا كينج.......
احمد مش بيفارق البلكونه بقاله يومين.. بس المشكله ان ايمي قافله بلاكونتها و قافله الموبايل و الياهو و كمان مرحتش الجامعه من يوميها ..

اخيرا احمد قرر يستعين بصديق ....فاخد موبايله و اتصل

ترررررررررررن تررررررررررررررن ترررررررررررررررررن
تررررررررررررررن تررررررررررررررن

دينا= الو مين ؟؟؟؟

احمد= ايه يا دينا كل ده عشان تردي ؟؟؟

دينا= ايه يا كينج في ايه ؟؟؟ انا نايمه يا اخي

احمد= مش وقت نوم خاااالص يا دينا ..انا محتاجلك

دينا= هي الساعه كام ؟؟

احمد= حوالي تلاته و نص

دينا= نهارك اسود ..يخربيتك انت اتجننت

احمد= بصي اجلي الزعيق ده لبعدين انا محتاجلك اوى

دينا= ماشي مقلناش حاجه بس الصبح بقى نتكلم

احمد= صبح ايه يا دينا ؟؟ ايمي لسه صاحيه و شكلها قاعده على النت و مدياني اجنور

دينا= طيب انا مالي بقى ؟؟؟ تصحيني انا ليه ؟؟؟

احمد= عايزك تتصلي بيها في تليفون بيتهم و تقوليلها انها لو مردتش عليا هروح اخبط عليهم و الي يحصل يحصل

دينا= يووووه بقى .. لما انت مش قادر على بعدها كنت بتزعلها ليه من اصله ؟؟ هاه

احمد= اهه الي حصل بقى متزلنيش و اتصرفي ..انا هتجنن لو مكلمتهاش

دينا=روح نام يا بابا هاه و الصبح هشوف لك حل روح

احمد= انا مش هناااااااااااااااام الا لو كلمتها ..وربنا لرمي نفسي من البلكونه هاه

دينا= يا ريت اهو حتى اعرف انام هههههههههههه

احمد= مش وقت هي هي هي دلوقتي انا بتكلم بجد

دينا= يا بني مينفعش اتصل في البيت دلوقتي عيب

احمد= و الله هي لسه صاحيه انا شايف نور اوضتها والع ..بليز يا دينا بليز بليز بليييييز بلييييز بليز

دينا= ايه يا كينج انت بتذاكر الكلمه و لا ايه ..خلاص انا هتصرف

احمد= ربنا يخليكي و الله انا كنت عارف انك بنت رجوله

دينا= رجوله ؟؟ الله يسامحك ..يلا انا هتصرف و انت اديني 10 دقايق و كلمها على موبايلها هتلاقيه مفتوح
هتخلص لي الشحن يخربيتك

احمد= يا قمر انتا ليك كرت شحن هديه مني بس اترصفي في الموضوع ده

دينا= يا عيني على الكرم ....يلا سلام

احمد= سلام

و دينا اتصرفت زي العاده فراحت متصله على موبايل اخو ايمي الصغنن و طلبت ايمي طبعا العيل كان هيولع فيها و في اخته بس المهم انها عرفت تكلم ايمي ..

ايمي= الو

دينا= هاي

ايمي= خير يا دينا في ايه ؟؟؟

دينا= اه طبعا انتى قاعده و لا على بالك و مش عارفه احمد حصله ايه

ايمي= احمد ؟؟؟؟؟ ماله حصل له ايه ؟؟؟؟؟

دينا= يا ختى لما انتى بتخافي عليه اوى كده كنت بتزعليه ليه ؟؟ هاه

ايمي= اهو الي حصل بقى يا دينا .. ماله فيه ايه ؟؟

دينا= مالوش هتلاقيه ان شاء الله بيخبط باب بيتكم كمان ربع ساعه لو معقلتيش و فتحتي موبايلك

ايمي= يعني هو كويس ؟؟؟

دينا= اه كويس ..يلا كلميه و الله حالته صعبه و ممكن يتجنن و يعمل اي حاجه هو حالف ما ينام الا لو كلمك

ايمي= بكره بقى ...خليه يتربى

دينا= يا رب يولع فيكي و فيه و في اليوم الي عرفتكم فيه ..كلميه بقى ارحموني انا عايزه انام حرااااااااااااااااااااام كده انا زنبي ايه

ايمي= خلاص انتي هتلطمي ؟؟ هكلمه اوكي عشان خاطرك انتى بس

دينا= ماشي همشيها عشان خاطري يلا باي

ايمي= باي

وو اول ما ايمي فتحت موبايلها لقت احمد بيتصل...

ايمي= هاي

احمد= كده يا حبيبتي اهون عليكي يومين بحالهم مشفكيش

ايمي= ايه الحنيه دي كلها ؟؟

احمد= افتحي البلكونه يا ايمي

ايمي= الدنيا برد

احمد= يا بارده احنا في شهر اربعه برد ايه اطلعي يلا

ايمي= اشمعنا

احمد= واحشاني و لا بلاش توحشيني

ايمي= انت بتقول الكلام ده لاي واحده بتكلمها هاه

احمد= بلااااش الموضوع ده و خليكي اموره عشان مفتكرش و اقفل السكه في وشك

ايمي= يا سلاااام ده انا الي اقفل في وشك

احمد= طيب تصدقي بقى انا غلطان انى عبرتك و استاهل ضرب الجزمه

ايمي= اه في دي معاك حق انت فعلا تستاهل

احمد= ايه ده انتى اتجننتي ؟؟؟؟ ايه الكلام ده ؟؟؟
مالك بتكلميني كده ليه ؟؟

ايمي= شوف انت عملت ايه

احمد= انتي الي غلطانه اصلا انا قلت لك ملاحظه صغننه و انتى عملتيها خناقه

ايمي= انت الي بتكبر المواضيع و بتتخيل حجات تافهه و فاكرني زي كل البنات الي عرفتهم

احمد= ماشي انا بتخيل اوكى بس على الاقل مش بقعد اسبل عنيا لحد


ايمي= ايه ده ؟؟؟ يعني انا بقعد اسبل

احمد= ايوه بتسبلي

ايمي= انت مجنون روح نام احسن لك

احمد= لااء مش هتنيل و بصي بقى من الاخر افتحي البلكونه او حتى بصي من الازاز

ايمي طلعت البلكونه لقت احمد واقف فوق الحيطه ....

ايمي= ايه ده يا مجنون بتعمل ايه ؟؟؟؟؟ هتقع

احمد= لاء مش هقع انا الي هرمي نفسي دلوقتي حالا و قدامك لو مقلتيش انك مسامحاني و انك بتحبيني

ايمي= مسامحاك و بحبك يلا انزل

احمد= و قولي كمان انك مش هتقفلي موبايلك تانى

ايمي= مش هقفله انزل بقى

احمد= و هتيجي الجامعه

ايمي = ماشي ..انزل حرام عليك

احمد= طيب قولي بحبك تانى كده

ايمي= و ربنا بحبك يا مجنون انزل يلا

احمد= و انا كمان يا رخمه يعني لازم اعمل لك فيلم دراما عشان تسامحيني

و بكده احمد نزل من فوق الحيطه و قال لايمي انه محضر لها مفاجأه هتخليها تتاكد انه بيحبها و بيقدرها اوى

يا ترى ايه المفاجأه

دخلت ايمي المحاضرة لقت الشلة كلها هناك,والكل بيضحك و يهزر,أول ما شافها الكينج
أحمد :وسع ياض منك ليها قمري وصل.

هشام :ايه رأيك يا دينا انق تاني ولا أطنش
دينا :ده الي فالح فيه يا خويا
طنش تعيش مفرفش
هههههه
ايمي :ازيكم يا جماعة,وحشتووني
دينا :احنا برده ولا
احمد:دينا حد قالك انك مش رغاية خالص
مش نكدية خالص,يلا نخلع
وقبل ما الدكتور يلف يشوف من المصون صاحب الدوشة لقاهم خلعوا
الدكتور:الصراحة يا ولاد طنشو المذاكرة و متحضروش محاضراتي
اتبعوا العيل الصايع ده وهتكونو من الأوائل
وعلى رأي دينا جزيرة
طنش تعيش مفرفش
منك لله يا كينج حسبي الله ونعم الوكيل
ايمي :بالراحة يا احمد ايدي يا عم انت
احمد:يا باااي منك اصبري بس ,في حاجة هتعجبك
هشام :متحس ياأخي البنت ايدها هتخلعها..
احمد :سبتلك الاحساس يا اتم,متحس بالنعمة الي في ايدك
و غمزله على دينا
انسان بجح بصحيح..
وصلو لمكان ورا الكلية,الكينج عامل حفلة لايمي بيصالحها
عارفين الافته الي عملها عمر لسلمى
الكينج عمل زيها :
بحبك يا ايمي و عمري ما هبص لغيرك أبدا
و هفضل عايش عشانك بس
قلبي يدق ليكي انتي بس
انا عارف اني رخم بس بحبك والله..
و جاب دبلة و لبسهالها,وباس ايدها ودماغها..
ايمي كان شوية و هيغمى عليها م الفرحة طبعا..
و قبل ماترد عليه.فرقع صوابعه
و ابتدت المزيكا يا لهوي أحمد بيغني
انا عارف انى بحلم والحلم جميل وبيحلالى
ال ايه اعد جنبى والناس شيفاكى وحسدانى
مهو طبعا منتى امرى ونورى وضلى وامانى
وانا نفسى اقولك كده من زاااامااان
انا كل ما غمض عينىالائيكى جايه من بعيد
لبسه الفستان الابيض والمزيكا تقول وتعيد
ولائيكى بتضحكيلى وبتقوليلى بقينا لبعض
ولائى دقات قلبى من كتر الفرحه تزيد
ولائى لمه واحلى دمعه من عيون فرحانه
ماخلاص العين هتنام من بعد ليالى كتير
سهرانه والف اورى الشبكه ودى ربكه ماجت
على بالى ولائى الناس بتغنى بصوت عالى
اسم الله عليهم عينى عليهم ربنا يحميهم
وتملا دسته عيال بيتهم وطلع عنيهم
وتيجى الناس تطل عليهم ويقول عقبالهم
مين يطول يعيش فى حقيقه فى زيها فى الجنه
انا بحبك بحبك دايما جنبك وعمرى معاكى
ايمي اتلخبطت خالص وعنيها دمعت
و الكل بيغني
اسم الله عليهم عينى عليهم ربنا يحميهم

يااااه يا أحمد كل ده في قلبك
بحبك أوي.
احمد :بحبك و عمري ما هزعل تاني
هشام و دينا :ايه يا كينج الرومانسية دي كلها
عشنا و شفنا
هههههههههه
أحمد :بلاش قر,وانت ياض اخرس الكينج دايما رومانسي بس منسي
و كان كله مخبي عشان يطلع للعسل ده
هشام :اه ماشي يا عم
ربنا ييزيد و يبارك
دينا :الأغنية كانت تحفة يا كينج
أحمد :ربنا يجبلك الي يغنيهالك ما انتي كلك رجولة
دينا :كده يا كينج ماشي يا عم ومدام فيها رجولة يبقى نذالة طب اطلع بكارت شحن
الي وعدتني بيه

هشام :ايه يا دينا انتي مش هترتبطي
دينا :لا لا لا ومتتكلمشي في الموضوع
بلا ارتباط بلا قرف..
هشام :استني يا جزيرة و الله بهزر
ماترجعي وحياة سيدي الحلي
يا بت

ايه مالها قفشت كده
احمد و ايمي :أصلها بتحب حمار مش حاسس بيها
هشام :مين ده و ديني لا أرقعو علقة مينسها طول عمره مين الحمار ده
أحمد :انت يا حمار


هشام :
احمد و ايمي سابو هشام مصدوم


احمد :مع بعض طول العمر
ايمي :دقة قلبي بتسابق قلبك
احمد :مفيش ولا زعل ولا دموع
ايمي :تؤ راحت وملهاش رجوع
ايمي و أحمد :بحبــــــــــــــــــــــك


و فجأة يسمعو صوت هشام
الظاهر لسه فايق م الصدمة
هشام:آآآآآآآآه
انا الحمار
راح و هو بيجري يا دينااااااااا
انا الحمااااار.....

و نكمل ....
موقف دينا و هشام...
هشام:دينااااااا
استني يا بت...
دينا :هشام اتلم,انا مش فايقة لهزارك و نقك
سبني في حالي و متخلينيش أتعفرت عليك..

هشام :أنا أسف بس كنت عايز أقولك اني عرفت اني الحمار الي كنت قلتي عليه انه بتحبيه و هو أحول بيحب واحدة بتحب غيره..
دينا:يا سلام..

هشام :و حياة أم عبد السلام..

دينا :هشام كبر دماغك م الموضوع اديك قلتها بحب واحد بيحب واحدة غيري
و ياريتها أي واحدة
دي صحبتي,صحبتي يا هشام

هشام :دينا بليز متعيطيش بس أنا مكنتش بحبها دي نزوة بس و احنا كنا بنغيظ الكينج بس,و انتي عارفة كل ده..
دينا :المصيبة اني عارفة كل ده,و الكارثة انك كنت بتحكيلي كل حاجة بالتفصيل و خصوصا قلبك و هو بيدق ليها,و ايدك بترتعش و انت بتسلم عليها..

هشام :يا دينا أنا بجد غلطان,انا كنت فاكر انك بتحب شخص تاني ش أنا
لو كنت عرفت مكنتش هغلط كده,خلينا ننسى ونبدأ صفحة جديدة..

دينا :عايز تفهمني ان حبك ليها فص ملح و ذاب بينليلة و ضحاها اتلهي يا أخي وحل عني,ونا مقبلش الحب ده زي ماكون بشحته..
هشام :اديني فرصة و أثبتلك انها مش في دماغي,دي حبيبة صحبي
دينا :وريني يا شاطر هتثبتلي ازاي..

هشام :زي ما انتي عايزة,ان شاء الله أرمي نفسي من الكوبري
ها قلتي ايه يا قمر؟
دينا :قلت اتلهي بلا خيبة

أنا مروحة بيتنا الي عايزني يبقى يسأل..سلامووز
الحمد الله ان مضعفتش و وافقت على طول خليني اتقل شويةو بعدين كرامتي عمالة تنقح عليا..
تاكسي..
ركبت دينا التاكسي..
السواق :على فين يا جميل

دينا :المعادي لو سمحت

السواق :ع اليمين و لا الشمال

دينا :بلاش تحور يا أخ و انجز في التوصيلة مش ناقصين خفة


عم السكووووت و ماتت رابعة و أنزلت الستارة

شوية و هو يشغل الراديو ليعلو بصوت أغنية:

بتحب غيري وتحكيلي عن شوقها ليه
بسمعلها وناري في قلبي طب هعمل ليه

بتحب غيري وتحكيلي عن شوقها ليه
بسمعلها وناري في قلبي طب هعمل ليه

خايف في يوم تسألني انا بحب مين
معرفش حكدب ولا اخبي ولا هفتح ليها قلبي
قلبي قلبي قلبي
واقول وافاجئ قلبها

ازاي راح اقول واوصف لها
عن جرح انا عايشه في قربها ...

دينا :يااااارب حتى نجوم اف ام عليا

وقف ياسطى هقضيها اتوبيس 11
خد
السواق :بس يا انسة مفيش أتوبيس بالنمرة دي

دينا :لا يا خفيف في
وضربت ايديها ع رجليها
ادي 1 و أدي 1 يعني 11
هو دا الأتوبيس

السواق :اه
دينا:يلا يا سكر طريق أخضر..



ها ايه رأيكم في بداية الجزء التاني؟؟
دينا و ايمي قاعدين في الكافيتريا..
ايمي:ايه عملتي ايه مع اتش؟؟

دينا :ولا حاجة ,فكك من الموضوع مش طايقة سيرته

ايمي :لا يا قمري لا زم تعرفي
,الله أكبر ههههههه

دينا :في ايه يا بت انتي بطلي ضحك القرود الشمبانزي

ايمي :مقبولة منك انا بضحك ع الوله الي جاي جبنا سيرة القط جه ينط..
دينا :يا ساتر
هشام :صباح حاير طاير من كل البلكونات على أحلى البنات القمرات
ايمي :الله الله ايه الي مخلي المزاج عالي
هشام :شات آب يا بت,ازيك يا دينا

دينا :أحسن منك,و فز قوم من أودامي..

هشام :ايما روحي صحي الكينج,و جيبي كابتشينو من روما

ايمي :امممم بتوزعني ماشي انا رايحة

هشام :ايمي روما ها..

ايه مش عايزة تتكلمي معايا يا دينا

دينا :مفيش بينا كلام يا هشام بليز انسى الموضوع
هشام :الله يخليكي دينا اتكلمي عايز أعرف راسي من رجلي
دينا :بسيطة رجلك تحت و راسك فوق..

هشام :يا راجل تصدقي دمك خفيف يا بت

دينا :هههه
هشام :والنبي لايقة عليك الضحكة يا حبيبي..

دينا :ها

هشام :حبيبي
دينا :ها

هشام :ها ايه دينا هتنامي ولا ايه بلاش تستهبلي
دينا:اه أنا أنا هروح بيتنا أنام
هشام :لا اتبتي مكانك انتي بتهربي..
دينا :طب موبايلي بيرن ثواني
هشام :مش وقت الزفت ده
بس دينا بعدت عن خطوتين و بعتتله مسج
بحبــــك
اتش أول ما قرا المسج بصلها لقاها بتبتسم
فراح ومسك ايدها و بعد شعرها بايده عن عنيها..
هشام :تعبتيني يا بنت الايه أخيرا قلتيها..
دينا :اها
هشام :يا ختي عليها قمري بينكسف
دينا :بس حسك عينك ياله تلعب معايا كده ولا كده هخلي يومك اسود

هشام :ياريت تخليه ابيض اسود ازرق بس أكون معاكي و شايفك

دينا :ماشي عاملي فيها حسن يوسف ماشي..
هشام :هتروحي الرحلة صح
دينا :اممممم
هشام :مفيهاش تفكير يا ختي..
دينا :اوك..هروح.....

في الرحلة..
الشلة كلها فرحانة و بتغني..
و دينا زعلانة و مخنوقة..

ايمي :متفرفشي يا ختي هو احنا رايحين جنازة..
دينا :انا يعمل فيا كده ماشي يا اتش أنا هوريك

ايمي :يا دندن يمكن عنده ظروف عشان كده مجاش و
بعدين مالك كده
حنبوزو لاوي بوزو اتبسطي

دينا :عندك حق يلا منك له رقصني يا جدع
:
بس رغم كده مكانتش مرتاحة قلقانة ع الاتش
أول ما نزلو من أتوبيس الرحلة فضلت مبحلقة في الوله و الشلة بتسلم عليه

الكينج :ايه ياله جيت امتى
هشام :امبارح كان عندي شغل...
الكينج :الي هو؟؟
هشام :مش وقتك خالص فكك مني..
راح لدينا..
هشام :وحشتيني

دينا :

هشام :ايه قمري زعلان مني؟
كله الا حبيبي..

دينا :جيت لوحدك ليه؟
هشام :أصلي بيني و بينك هعزم بنت قمر ع العشا بس ادعيلي انها توافق..
دينا :اممممم
هشام :بلاش تفكير عبيط و النبي أشوفك بالليل..

هشام :ايه ياريس جهزت كل حاجة؟

الريس :أيوة يافندم و اليخت هيكون جاهز في معاده
هشام :طيب ألف شكر..
الاتش راح يعزم الشلة و قالهم عاملهم حفلة عمرهم ما حلموا بيها
و بعت لدينا مسج
هستناكي مهما طال غيابك و جهزي نفسك لخطف الليلة...

دينا :خطف؟يا نهارك أبيض هبلغ وزير الداخلية..

جهزت دينا و لبست أحسن فستان عندها
رغم انها عمرها ما حطت واحد ع ظهرها

ما علينا..
نزلت لقيت هشام متشيك و في ايده وردة

سلم عليها و راحو مكان الحفلة.

كان في شموع و مزيكا و رقص و هيصة
حاجات تحفة..
وفضله مع بعض بيغنو و يضحكو!

شوية هشام رفع راس دينا للسما و مسك اديها و عمل

لقت دينا اسمها مع كلمة بحبك..
عنيها دمعت و حضنته زي ما يكون خيفاه يتسرق منها
همس ليها
وقت الخطف يا فندم تسمحي..

مسكوا ايد بعض و جريوا ع اليخت..

و الشلة تبعتهم ولقو في وشهم لافتة كبيرة ممنوع العيال..

ضحكوا كلهم من قلبهم
و بكيت دينا من فرحتها..