ان طعتني يا محزمي خل الاوهام
واتــــــرك طريق لذته في حـــرامه


ان خـــانتك مريم بتطلع لـــك اريام
وكما تدين ادان مــــابه ســـــلامه


من خان ابوه العــام خانك بعد عام
رح بشـــره بالخزي يــــوم القيامه


يـــــاخي تزوج بنت فارس وضرغام
متربيه علـــــى النـــــقى والكرامه



لاتلـــبس مخصر ولا شغلت كـــــــام
وإظــفـر بذات الديـــــن لو من تهامه


خذها وحش عدها على ثاني صيام
ومن بعض الاشياء عاد فيها غشامه


ولا تزوج لـــــك بكر من هل الشــام
كم لاش مـــايسوا خوالـــه عمـــــامه


ومــــــــادام جدك واحد من ضنا ياام
خذ لـــــك فرس لو كـان ابوها نعامه



فــــي ذمتي ذمه وقطاع لنســـــــام
ان ذا الكــــــلام الــــــي يذب العدامه


وتكفل كيوتل ليه ؟ ماتكفل ايتام
وتــرسم على ذيك الوجيه ابتسامه


نــاسن الى ذلحين مسكنهم خيـــــام
اللــــــه وكبر يـــــــاحياة الندامه


ومــــــــادام عينك مابكت موت صدام
فــــلاعـــــاد تبكي لابسات اللثــامه



الــــزير هل الدمع من موت همــــــام
ولا بكى علــــى جنون اليمــــــــامه


والحين جـــــاك العلم يانسل الاكرام
ومني فمان اللــــــــــــه مع السلامه